إ علان للي مابعد جرّب الحب ...

[وش فايدة]

من ما راق لي ...
وأتمنى أن تقرأوها ...
هذي قصة على لسان الشاعر الملقب (المحيط الهادي) أبدع في الغزل
إلى أن اطرب مسامع الجمهور وذابت معه الصخور وانساقت له كل العقول
إنه الشاعر الكبير محمد بن فطيس ...


يقول ابن فطيس ،، كنت توي شاب في مرحلة الإعدادي


وجالس مع الوالد ،، وربعه .. سوالف وعلوم رجال وشعر


المهم واحد من الرجال ،، قال يالربع اليوم كنت ماشي بدربي


شفت لي بيت شعر مكتوب على جدار ،، يقول :


أعلان للي مابعد جرّب الحب *_*_* يترك طريق الحب قدر استطاعه
فيه الهنا ياتيك ساعه ويذهب *_*_* وفيه العنا ياتيك في كل ساعــه



المهم ابن فطيس يقول البيتين اعجبنه ،، وقعد يفكر فيها بالليل !!


تعرفون توّهـ شباب ،، وقلبه خضر // مسك ورقه وقعد يكتب ..


المهم من بكرة والرجال جالسين قال محمد يالربع ،، أنا قريت بيتين


وبقولها لكمـ :


اعلان للي مابعد جرب الحــــــــــــب *_*_* يسلك طريق الحب بس بشجاعه
فيه الوفا والغدر والصدق والكذب *_*_* وفيه الفراق وفيه شوق اجتماعه
حظك على حظك تشجّع وجـــــرب *_*_* ان صبت والا غير تاخذ مناعـــــه


ويضحك والد محمد ،، وقال // من كتب هالابياات ؟ ،، قال محمد : أنا


قال أبوهـ عطني الورقة ،، ويكتب عليها :


أعلان للي مابعد جرب الحــــــــــب *_*_* يترك طريق مايجوز اتباعـــــــه
مع الرجا والخوف والياس والذنب *_*_* لو دام وصله ماومنت انقطاعه
شيئ غريب يشاع بالشرق والغرب *_*_* تركه قلاع واتباعه قلاعــــــــه

الحين قدامكمـ ثلاث وجهات نظر للحب ...
فأيها ترونها مناسبة لكم...
انتظر آرائكم بكل شوق ...

[أبو فيصل]

والله ابداع في ابداع جعلك تسلم أخوي على النقل ،،،




ومحمد بن فطيس شاعر غني عن التعريف وعلم في رأسه نار ،،،



والله لايهينك على النقل الأكثر من رائع،،،،




تقبل فائق احترامي وتقديري،،،،




أخول أبو فيصل،،،،

[ابرق الشيوخ]

هلا وغلا



من وجهة نظري ان الحب يأتي بدون سابق انذار

بدخل الى القلب بدون استئذان


مثل مشاركاتك الرائعة


تلامس ذائقة الكل

وتدخل الى القلب بدون استئذان


يسلموا على النقل الراااااااااااااااااااااااااائع ايها المتميز


اعجبني كثيراً اسلوب طرحك


قله من يجيدون ذلك



اقبل مودتي




ابرق الشيوخ

[عنود الصيد]

أعلان للي مابعد جرّب الحب *_*_* يترك طريق الحب قدر استطاعه
فيه الهنا ياتيك ساعه ويذهب *_*_* وفيه العنا ياتيك في كل ساعــه



انا مع وجهة النظر هذه بالرغم من ميل قلبي
الى الثانيه ولكن طريق الحب
صعب !!
صح لسان ابن فطيس شاعر جزل تميز عن الاخرين
ويعطيك الف عافيه يا(وش فايدة ) على الطرح الراقي ..

[سلطآن الفدعآني]

الثانيه // الثانيه // الثانيه // ,, الله لا يعوق بشر ..

اشكرك ع الابيات الجميله والقصه الجميله ..

[البسوس]

اعلان للي مابعد جرب الحــــــــــــب *_*_* يسلك طريق الحب بس بشجاعه
فيه الوفا والغدر والصدق والكذب *_*_* وفيه الفراق وفيه شوق اجتماعه
حظك على حظك تشجّع وجـــــرب *_*_* ان صبت والا غير تاخذ مناعـــــه


صح لسان ابن فطيس ..

والله يعطيك العافيه أخوي وش فايده على الموضوع الممــــيز ..

كل الشكر لك ولاهنت ..

تحياتي

البسوس

[وش فايدة]

صحت أبدانكم جميع ..


وأسعدني أن الموضوع أرتقى لذائقتكم ...

أشكركم جميعا على حضوركم ومشاركتكم ...